Белорусский государственный педагогический университет
имени Максима Танка
Гісторык Дзмітрый Дубінін – пра тое, што любілі і на што спадзяваліся нашы продкі
“Настаўніцкая газета” ад 12 мая 2023 года змясціла матэрыял пра выкладанне краязнаўства і этнаграфіі Беларусі на гістарычным факультэце БДПУ.
Д.У. Дубінін, які выкладае гэтыя дысцыпліны, адзначыў, што асаблівасцю курса “Краязнаўства і этналогія” з’яўляецца сумяшчэнне тэорыі з практыкай.
— Курс практыка-арыентаваны, выкладаць яго толькі тэарэтычна проста немагчыма, — адзначае Д.У Дубінін. — На занятках мы і спяваем, і чытаем вершы, і жартуем — успамінаем фальклорныя анекдоты, прыказкі.
Менавіта так Дзмітрый Дубінін рэкамендуе працаваць і са школьнікамі:
— Сваіх студэнтаў, будучых педагогаў, вучу: галоўнае — абудзіць дзіцячыя пачуцці. Спачатку любові да роднай хаты, да бацькоў, а потым ужо прыйдзе і любоў да Радзімы. Добра, што ў школах сёння ёсць “беларускія хаткі”, дзе навучэнцы многія традыцыйныя рэчы могуць пабачыць на ўласныя вочы. Са студэнтамі мы таксама часта ходзім па музеях. Адзін з любімых — Музей старажытнабеларускай культуры ў цэнтры Мінска.
