Выстояли-Победили

17 красавіка 2025 года дацэнт кафедры ўсеагульнай гісторыі і методыкі выкладання гісторыі Дубінін Д.У. прымаў удзел у заключным этапе правядзення рэспубліканскага конкурсу навуковых даследчых краязнаўчых работ навучэнцаў, які праводзіўся ва ўстановах адукацыі нашай краіны з лістапада 2024 года па красавік 2025 года.
Арганізатарам конкурсу з’яўляецца Рэспубліканскі цэнтр экалогіі і краязнаўства пры падтрымцы Міністэрства адукацыі Рэспублікі Беларусь.
Конкурс праводзіўсяз мэтай развіцця навукова-даследчай дзейнасці як эфектыўнага фактару павышэння якасці адукацыі і ўсебаковага развіцця асобы навучэнца.
На конкурс прадстаўляліся навукова-даследчыя праекты краязнаўчай накіраванасці ў трох намінацыях:
«Гісторыя роднага краю» (даследаваліся падзеі і факты гісторыі малой радзімы, помнікі археалогіі, тапаніміка і геральдыка);
«Культурная спадчына» (помнікі этнаграфіі і фальклору, аб’екты архітэктуры, дэкаратыўна-прыкладнога і выяўленчага мастацтва)»;
«Геаграфічнае краязнаўства» (прыродныя асаблівасці рэгіёна)».
Усяго на рэспубліканскі этап конкурсу паступілі 128 работ з усіх рэгіёнаў краіны па дадзеных накірунках. 
На заключным этапе былі прадстаўлены 62 навуковыя праекты юных даследчыкаў.