Выстояли-Победили

Падпісанне дамовы аб супрацоўніцтве паміж ДУА “Сярэдняя школа № 182 г. Мінска” і БДПУ імя М. Танка, а таксама адкрыццё на базе дадзенай школы філіяла кафедры дапаможных гістарычных дысцыплін і методыкі выкладання гісторыі гістарычнага факультэта паклала пачатак плённай вучэбнай і выхаваўчай працы з навучэнцамі. Так, 27 вучняў СШ № 182 сталі слухачамі вочна-завочнай педагагічнай гімназіі, якая працуе на базе БДПУ. Ужо стала вядома, што ў вясновую сесію спіс жадаючых падмацаваць свае веды яшчэ больш пашырыцца. 26 лютага 2015 г. педкалектыў школы і вучні прынялі ўдзел яшчэ ў двух мерапрыемствах на базе нашага ўніверсітэта: 7 настаўнікаў наведалі семінар па павышэнню педагагічнага майстэрства, а вучні 10 “А” класа азнаёміліся з вучэбнай базай універсітэта і наведалі планетарый і музей гісторыі БДПУ. Загадчык філіяла кафедры магістр гістарычных навук А.У. Канойка правёў экскурсію па ўніверсітэту і запрасіў вучняў да ўдзелу у Дні адкрытых дзвярэй. 

Пачатак супрацоўніцтву пакладзены, але наперадзе яшчэ шмат работы – адкрыццё педагагічных класаў на базе школы, арганізацыя педагагічнай практыкі студэнтаў выпускных курсаў гістарычнага факультэта,  прэзентацыя інтэрактыўнага музея школы падчас гісторыка-краязнаўчай практыкі першакурснікаў. Усё гэта будзе з’яўляцца лепшай рэкламай нашага ўніверсітэта і спрыяць павышэнню прэстыжу прафесіі настаўніка. Супрацоўніцтву паміж гістарычным факультэтам БДПУ і СШ № 182 – быць, таму разлічваем, што хутка пабачым выпускнікоў школы сярод студэнтаў нашай Alma Mater.