Выстояли-Победили

20-21 красавіка 2023 года былі падведзены вынікі Рэспубліканскага конкурса навуковых даследчых краязнаўчых работ навучэнцаў, які праводзіўся ва ўстановах адукацыі нашай краіны з лістапада 2022 года па красавік 2023 года.
Арганізатарам конкурсу з’яўляецца Рэспубліканскі цэнтр экалогіі і краязнаўства пры падтрымцы Міністэрства адукацыі Рэспублікі Беларусь.
Конкурс праводзіўся з мэтай развіцця навукова-даследчай дзейнасці як эфектыўнага фактару павышэння якасці адукацыі і ўсебаковага развіцця асобы навучэнца.
У падвядзенні вынікаў конкурсу прымаў ўдзел дацэнт кафедры ўсеагульнай гісторыі і методыкі выкладання гісторыі, кандыдат гістарычных навук Дубінін Д.У.
На конкурс прадстаўляліся навукова-даследчыя праекты краязнаўчай накіраванасці ў трох намінацыях:
«Гісторыя роднага краю» (даследаваліся падзеі і факты гісторыі малой радзімы, помнікі археалогіі, тапаніміка і геральдыка);
«Культурная спадчына» (помнікі этнаграфіі і фальклору, аб’екты архітэктуры, дэкаратыўна-прыкладнога і выяўленчага мастацтва)»;
«Геаграфічнае краязнаўства» (прыродныя асаблівасці рэгіёна)».
На рэспубліканскі этап конкурсу паступілі больш за 125 работ з усіх рэгіёнаў краіны па дадзеных накірунках. На заключным этапе былі прадстаўлены 50 навуковых праектаў юных даследчыкаў.